Sentyabrın 18-də Mənəvi Dəyərlərin Təbliği Fondunun mailiyyə dəstəyi və Zaqatala şəhər məscidi dini icmasının təşkilatçılığı ilə həyata keçirilən “Mənəvi dəyərlər və müasirlik” adlı layihə çərçivəsində Azərbaycan Dövlət İqtisad Universitetinin Zaqatala filialında “Qloballaşma və inteqrasiya dövründə  mənəvi dəyərlərimizin qorunması” mövzusunda maarifləndirici tədbir keçirilib. Tədbirdə Dini Qurumlarla İş üzrə Dövlət Komitəsinin   Təhlil və proqnozlaşdırma şöbəsinin böyük məsləhətçisi Azad Nəhmədov , Dini Qurumlarla İş üzrə Dövlət Komitəsinin Zaqatala bölgəsi üzrə şöbəsinin müdiri İlqar Vəliyev, şöbənin məsləhətçisi Vüqar Məmmədov, Zaqatala Rayon İcra Hakimiyyəti başçısı Aparatının İctimai-siyasi və humanitar məsələlər şöbəsi müdirinin müavini-dini qurumlarla işin   təşkilatçısı Ramin Həsənov, Azərbaycan Dövlət İqtisad Universitetinin Zaqatala filialının İqtisadiyyat  fakültəsinin dekanı Həqiqət Qədimova, Zaqatala şəhər məscidi dini icmasının sədri Rəşad İbrahimov  və  universitet  tələbələri iştirak edib.

Çıxışlar zamanı Ulu Öndər Heydər Əliyev tərəfindən əsası qoyulmuş dövlət-din siyasətinin hazırda ölkə Prezidenti cənab İlham Əliyev tərəfindən böyük uğurla  həyata keçirildiyi qeyd edilib. Dünyada baş verən  qloballaşma və mədəniyyətlərin bir-birinə inteqrasiya edilməsi zamanı  mənəvi dəyərlərdən kənarlaşmanın və cəmiyyətin parçalanmasının qarşısının alınması qədim dövrlərdən,  tarixin süzgəcindən  keçərək müasir dövrümüzə gəlib çatmış  zəngin mənəvi dəyərlərimizin, mədəni irsimizin qorunub saxlanılması və yaşadılmasıdır. Bu amal uğrunda  yaşamaq vətənini  və dövlətini sevən hər bir şəxsin üzərinə düşən müqəddəs vətəndaşlıq  borcu olduğu bildirilib.  Azərbaycanda demokratik dəyərlərə, dövlət siyasətinə və gündəlik həyat tərzinə çevrilmiş etnik-dini tolerantlıq  və mültikultural dəyərlər ölkəmizi  yeni inkişaf mərhələsinə aparan amil olduğu vurğulanıb. Qeyd edilib ki,  qeyri-ənənəvi dini cərəyanları, zərərli təriqətləri, dini xurafat və mövhumatı, dini fanatizmi və radikalizmi yaymağa cəhd  edən  ayrı-ayrı qruplar  gənclərimizi milli-mənəvi dəyərlərdən, adət ənənələrdən uzaq düşməsinə sövq etməyə və təsir altına salmağa çalışırlar. Bu qruplara qarşı  ən effektiv  mübarizə üsulu  milli-dəyərlərə bağlılıq və onların yaşadılması olduğu vurğulanıb.

Sonda iştirakçıları maraqlandıran suallar cavablandırılıb.