Mənəvi Dəyərlərin Təbliği Fondunun könüllüləri Qusar rayonunda təşkil edilmiş "Yay məktəbi"nin üçüncü günündə 2016-cı ilin aprel döyüşlərində şəhid olmuş Milli Qəhrəman Çingiz Qurbanovun məzarını və Qusar rayonunun Həzrə kəndində yerləşən Şeyx Cüneyd türbəsini ziyarət ediblər.
Xatırladaq ki, 19-23 avqust tarixlərini əhatə edən Yay düşərgəsi çərçivəsində könüllülər avqustun 20-də Quba Soyqırımı Memorial Kompleksi ilə tanış olub, dağ yəhudilərinin yığcam şəkildə yaşadığı Qırmızı qəsəbəni ziyarət ediblər.