İmişli rayonunda “Narkomaniya və digər zərərli vərdişlərə qarşı mübarizədə gənclərin rolu” mövzusunda maarifləndirici tədbir keçirilib

Foto qalereya / Xəbərlər 13-02-2019 16:00 81

Fevralın 13-də Mənəvi Dəyərlərin Təbliği Fondunun maliyyə dəstəyi və  İmişli  rayonu Cəfərli kənd “İmam Hüseyn” məscidi dini icmasının təşkilatçlığı ilə İmişli rayonunda “Vətənpərvərlik milli-mənəvi dəyərlərimizin  önəmli tərkib hissəsi kimi” layihəsi çərçivəsində “Narkomaniya və digər zərərli vərdişlərə qarşı mübarizədə gənclərin rolu” mövzusunda maarifləndirici tədbir keçirilib.
Tədbirdə Dini Qurumlarla İş üzrə Dövlət Komitəsinin (DQİDK) Dini təhsil sektorunun müdiri  Əli Həziyev,  DQİDK-nın İmişli bölgəsi üzrə şöbəsinin müdiri Cavanşir Bəhrəmov, şöbənin əməkdaşı Elvin İbrahimov, İmişli  rayon Təhsil şöbəsinin müdir əvəzi  Vahid Tağıyev,   İmişli rayonu Cəfərli kənd “İmam Hüseyn” məscidi dini icmasının sədri  Abil Süleymanov,  dini icma  üzvləri, müəllimlər  və   gənclər iştirak ediblər.
Çıxışlar zamanı Azərbaycanda əsrlər boyu formalaşan və bu gün dünyaya örnək olan mənəvi dəyərlərdən, tolerantlıq mühitindən, milli-mənəvi dəyərlərin qorunub saxlanılmasından, gənclərin yad dini ideologiyadan qorunmasından, dövlət-din münasibətlərindən danışılıb.  Həmçinin milli-mənəvi dəyərlərin qorunması, yeniyetmə və gənclərin zərərli vərdişlərdən çəkindirilməsi, asudə vaxtlarının səmərəli təşkili, sağlam ailə mühitinin formalaşdırılması istiqamətində səylərin artırılmasının zəruriliyi vurğulanıb,   gənclərin zərərli vərdişlərin, dini radikalizmin təsiri altına düşməmələri üçün təhsilin və maarifləndirmənin önəmi diqqətə çatdırılıb. 
Tədbirin sonunda iştirakçıları maraqlandıran sullar cavablandırılıb.