"Xalqı həmişə mənəviyyat birləşdirmişdir.
Çünki başqa əsaslara nisbətən
mənəvi əsaslar daha üstündür".
Heydər Əliyev

Bakıda “İlham Əliyev: Dəyərlərin keşiyində 20 il” mövzusunda konfrans keçirilib

✅ Oktyabrın 10-da Dini Qurumlarla İş üzrə Dövlət Komitəsinin tabeliyində Mənəvi Dəyərlərin Təbliği Fondunun təşkilatçılığı ilə “İlham Əliyev: Dəyərlərin keşiyində 20 il” mövzusunda konrans keçirilib.
Konfransın açılışı hissəsində ölkəmizin azadlığı, suverenliyi və ərazi bütövlüyü uğrunda həlak olan qəhrəman şəhidlərimizin əziz xatirəsi bir dəqiqəlik sükutla yad edilib, Dövlət Himni səsləndirilib.
Tədbirdə Dini Qurumlarla İş üzrə Dövlət Komitəsi sədrinin birinci müavini Səyyad Salahlı, sədr müavini Sahib Nağıyev, Mənəvi Dəyərlərin Təbliği Fondunun icraçı direktoru Mehman İsmayılov, Azərbaycan İlahiyyat İnstitutunun rektoru Aqil Şirinov, Bakı Beynəlxalq Multikulturalizm Mərkəzinin icraçı direktoru Rəvan Həsənov, Səs Media Qrupunun təsisçisi və rəhbəri, Mənəvi Dəyərlərin Təbliği Fondunun Himayəçilik Şurasının üzvü Bəhruz Quliyev, din xadimləri, gənclər və ictimaiyyət nümayəndələri iştirak ediblər.
Konfransda çıxış edən natiqlər cənab Prezident İlham Əliyevin ölkəmizə başçılıq etdiyi ötən 20 il ərzində bütün sahələrə olduğu kimi, milli-mənəvi dəyərlərimiz sahəsinə də  göstərdiyi diqqət və qayğıdan geniş söhbət açılıb.
Həmçinin qeyd olunub ki, Müzəffər Komandan kimi onun rəhbərliyi ilə 44 Günlük Vətən Müharibəsində düşmən tapdağı altında qalan əzəli torpaqlarımızda tarixən mövcud olan mədəni-dini abidələrimiz də azadlığa qovuşub. 
Daha sonra Fondun sifarişi əsasında hazırlanan “Müzəffər Komandan” sənədli filmi nümayiş etdirilib.
Tədbirdə eyni zamanda bu gün Azərbaycan Respublikasının Prezidenti İlham Əliyevin 2017-ci il 10 oktyabr tarixli Fərmanı ilə Dini Qurumlarla İş üzrə Dövlət Komitəsinin tabeliyində yaradılan Mənəvi Dəyərlərin Təbliği Fondu tərəfindən geridə qalan 6 il müddətində istər dini etiqad sahəsində maarifləndirmə işinin aparılması, istərsə də mənəvi dəyərlərin qorunması və inkişafı istaqamətində uğurlu, eləcə də səmərəli fəaliyyət həyata keçirildiyi diqqətə çatdırılıb.

calendar 11-10-2023, 08:28 eye 100 eye Paylaş